Sunstar Momin, Mendima
(Chimik, Vol 4 No. 3 August 2005)
Saliramchini mikkasim balbae
Kimpretejok ang’ mikkango —
Maisa ong·engjok angna da·o!
Sawasa napsrikengjok ang’ ka·tongo?
Jimdapaha mikka ango — sal rakmitingo!
Chanchiangjok anga, ran·aigen sal rakbaon.
Indiba chanchia chadengdike ramadilo —
Gun gimikan onchongjokma,
Biming gri Me·tra nang·on?
Salba andalaha, angna walba ka·namjaha;
Ka·srok an·senganirang angoni chel·angaha!
Ka·saani bisemsemko pue donangjokma?
O biming gri Me·tra na·a, amja nang·ko chel·atna,
Jotton ka·engon gualna!
Re·angaha janggilate unsalo na·a,
Biming mangmangko aganangpaodechim na·a …
Nang’ bimingko ang’ ka·tongo serikna man·jaoba,
Nang’ bimangni jagringde gimaja da·oba!
Chel·angjawama angoni ia mikkasimara,
Ian Ka·saama — angna ong·enggipara?
Nambeaha…
hoemo
Very good done. Big congrats!
O·e, kattatang aro talent-tangan mandeko an·saogipa ong·atna nambea. Angaba an·tangan indakgipa poedorangko sena namen namnikpaa..
…nitobegipa poedo…namnikbeaha..